T4 清茶達人

距離最後一日喺呢間公司返工唔係得番好多日，有好多心事想了結，包括想再飲呢間喺觀塘碼頭旁邊嘅台式茶飲店，簡直係我嘅回憶！多謝朋友同我一齊享受呢種快樂肥！

.
T4清茶達人確係唔貴，而且選擇多，有質素保證！
.
伯爵奶茶 $22

朋友係伯爵茶愛好者，反正有伯爵茶嘅選擇佢都會排佢為先。我飲咗兩啖，奶味多過茶味，當然茶係好濃嘅，而且好滑；要左走冰，係呢啲天氣飲就啱啱好！
.
熱奶蓋可可 $22

好少飲凍嘢，所以有奶蓋我都堅持想飲熱可可，其實即係熱朱古力，不過加咗層奶蓋。先講一講奶蓋，微微地咸，芝士味相當重，好鍾意！至於可可，落單嘅時候店員細心咁問我要唔要半糖，好彩少甜啫，如果唔係應該會好鬼甜。
.
卡路里係爆燈㗎啦！不過開心最緊要，一於飲咗先～