和藏 (已結業)

聽舊同事提起過呢間工廈自助餐幾次，好耐無見，今日就食呢間，約左６點鍾，半自助餐，兩個人一樣揀Ｂ餐。覺得自選餐有點似私房菜，有差不多７－８款，每款份量係一人食量，剛好。刺生冷盤，三文魚，蟹腳，帶子，螺等等，　整體新鮮。食完唔夠都可以再係出面拎。１；蜜汁京燒豬仔骨，味道唔錯，肉質好滑嫩啊。又入味。而且肉唔會痴住骨２；鐵板蝦碌。鐵板上夠哂有獲氣熱辣辣，雖然有Ｄ秘醬調味，不過仍然食到蝦既鮮味，亦都算大隻。３；車打芝士培根，外皮好脆，芝士加培根呢個組合無得輸，不錯。４，５，６，７；都係套餐裡面既。整體味道唔錯，右下角黑松露鮑魚有驚喜，黑松露好甘香，而且鮑魚一Ｄ都唔ＵＭ。三文魚鯧，呢個部位既肉都好滑。仲有個粥底牛肉火鍋。可以加埋其他現菜落去ＳＨＡＢＵ　ＳＨＡＢＵ。冷盤。生蠔雖然唔係好大隻，不過係即開，都好鮮味，而且海水咸味剛好。我覺得唔差得過酒店既生蠔。忍唔住食左差不多１０隻。最後食左好多粒呢個雪米滋既東東 。正第一次覓食工廈，最初都有Ｄ抗拒，估唔到質素唔差。