落單可以自己scan QR code，我哋今次就叫咗個2人餐（$355），包兩款漢堡扒、一款飯、湯、沙律同飲品。
芝士蛋蒜和牛漢堡扒，漢堡扒會整到係一個圓滾滾嘅波，造型得意，鐵板上面仲有拉絲芝士蛋。燒肉時，先用鏟以垂直方式切出適量嘅肉，再加湯匙輔助放上石板，稍微壓平，每面大概煎三秒，想食焦香啲，可以燒多五、六秒。芝士漢堡扒加上燒香蒜片，邪惡又好味！
墨西哥辣椒和牛漢堡，鋪滿墨西哥辣椒粒，燒肉扒時記得拌入，呢款漢堡扒入口富肉香仲有椒香，口感更濕潤，刺激惹味，愛辣人士必試！
和牛乒乒乓拌飯，齋食漢堡扒可以會太膩，配個飯就最好！香濃和牛肉、太陽蛋及沙律菜加特製韓式辣醬拌勻，口感豐富！
巨峰提子特飲、西柚特飲（+$18）特飲杯好得意，容量超大，前者富提子香氣，檸檬片增加香氣同層次，後者酸甜兩種味道都幾濃，整體味道唔錯。
