長發粉麵冰室

係人都知道深水埗長沙灣好多隱世食市，平時我都係食開長沙灣金源，貪佢個蝴蝶蘇夠香，蛋撻新鮮出爐。撞岩星期四去到例休，見午市隔離長發咁多人，過去試下。

試左個滷味什錦飯，量足，夠大碟。有滷蛋，紅腸，滷腩肉，豬耳，咸酸菜。滷味入味，咸酸菜有驚喜。招牌靚湯，唔知椰子煲乜啦，總之足料，湯渣真係見到一條條椰子，清甜，唔似味精湯，哥哥仔私人醒多碗比我，讚。奶茶唔錯，同金源差唔多。

埋單46凍飲，物有所值，唔怪之得午市咁爆。