諾亞半熟蛋糕專門店 (已結業)

多位好友極讚既諾亞半熟蛋糕專門店，終於在太古城誠品書店開設分店。近期有多位親友生日，食過唔同品牌和味道既蛋糕，冇咩新鮮感。今日小叔生日，不如就試下諾亞啦！買左小叔喜愛既朱古力味……比利時朱古力半熟芝士蛋糕(99元)，再加咗一瓶蜂蜜薏仁水(19元)聽聞蜂蜜薏仁水可以潤膚淡斑，貪靚既我當然要試試啊！濃濃既薏仁水，加入蜂蜜後不太甜，同屋企煲既味道一樣。今晚在酒樓食飯，交給相熟侍應姐姐放在冰箱，飯後打開一睇已深知不妙，切開發現蛋糕呈半熔狀態。還好味道唔錯，面層厚厚既朱古力醬味道香濃，帶點微甘中層芝士味道唔算太濃，但兩者又出乎意料的夾。唯一可惜既係滿足唔到口感，真有點食軟雪糕既感覺。對唔住小叔！下次再請你食過！檢討今次失誤，第一係冇給干冰，好友們話每次都有。第二係唔可以擺放在酒樓廚房，如果佢雪櫃冇位，分分鐘擺在熱烘烘既廚房係會熔掉啊！