影片
更多
2015-12-18
1173 瀏覽
除左太和之外,其實印象中大埔好似無咩真係全店都係韓國style的菜式的食店。由於自己唔係好食得辣，所以平日都唔會自己一個走去韓國style的食店食飯。今日由於同另外三個朋友返學校影畢業相,天氣又凍凍地,所以就決定食下辣野暖暖身!雖然係星期日的午餐時間,但唔見有好多人,唔知係唔係因為天陰陰又落雨所以少人出街呢?所以等左一陣就有位啦~坐左一陣店員就幫我地斟水,我地亦好快決定左食咩。店員隨即送上餐前小食-泡菜,以及餐湯:南瓜湯:由於南瓜蓉都幾多,質地都幾傑身,但又唔會太甜 感覺幾健康!由於唔係個個都食得辣，所以食物當中有辣有唔辣:唔辣的有:芝士紫菜飯卷:份量好夠,比想像中多好多。擺得好靚,亦都唔會一夾就散。唔好睇佢D芝士咁大粒好似好溜,其實佢夾埋D蔬菜味道岩岩好!鐵板韓式芝士豚肉飯: 有好多芝士,唔係話得幾條求求其其咁! 上台時非常熱辣辣牛肉加埋蘿蔔絲同椰菜,炒得幾均勻,食落係甜甜地,唔錯!辣的有:鐵板辣牛肉飯:對比起芝士豚肉飯,呢個就無咁香,辣味都有少少,但上台時都係熱辣辣的韓式芝士海鮮炒年糕:如果辣牛肉飯辣的程度有1,呢個辣的程度係有8!雖然MENU上呢個同鐵板辣牛肉飯都係得一個辣椒ic
今日由於同另外三個朋友返學校影畢業相,天氣又凍凍地,所以就決定食下辣野暖暖身!
雖然係星期日的午餐時間,但唔見有好多人,唔知係唔係因為天陰陰又落雨所以少人出街呢?所以等左一陣就有位啦~
坐左一陣店員就幫我地斟水,我地亦好快決定左食咩。店員隨即送上餐前小食-泡菜,以及餐湯:
南瓜湯:由於南瓜蓉都幾多,質地都幾傑身,但又唔會太甜 感覺幾健康!由於唔係個個都食得辣，所以食物當中有辣有唔辣:
唔辣的有:
芝士紫菜飯卷:份量好夠,比想像中多好多。擺得好靚,亦都唔會一夾就散。唔好睇佢D芝士咁大粒好似好溜,其實佢夾埋D蔬菜味道岩岩好!
鐵板韓式芝士豚肉飯: 有好多芝士,唔係話得幾條求求其其咁! 上台時非常熱辣辣牛肉加埋蘿蔔絲同椰菜,炒得幾均勻,食落係甜甜地,唔錯!
辣的有:
鐵板辣牛肉飯:對比起芝士豚肉飯,呢個就無咁香,辣味都有少少,但上台時都係熱辣辣的
韓式芝士海鮮炒年糕:如果辣牛肉飯辣的程度有1,呢個辣的程度係有8!
雖然MENU上呢個同鐵板辣牛肉飯都係得一個辣椒icon, 但呢個辣超!級!多!
係食左3份2的時侯我地已經飲晒成支水,所以要留意返!
至於飲品方面,有得揀果汁,但我地就加左果茶(凍+$5/熱+$3)
無論凍定熱,都係唔好飲的!茶味好淡,個橙吉完之後,淨係會飲到橙皮的苦味,成個感覺好怪。總括黎講,店員服務唔算太好。除左無打招呼,連將食物放係台都唔會講一次個食物名,同客人之間無咩交流。如果以食物份量同質數來說,我覺得是合理,有機會會再黎,但未必係first choice.
張貼
