影片
更多
2014-11-04
13465 瀏覽
話說同友人約星期日行街相聚下友人建議去食牛一，我未試過所以就去試下。照時間我地約12點尖嘴等，到左之後未入座住，個男侍應(稱A君)就叫我地坐一陣，轉頭安排入座。過左大概2~3分鐘，開始有數人入黎，之後見到個A君幫後入黎既人開始安排入座，完全係無理過我地同比我地更早入黎既客人首先安排入座，雖然果段時間唔係好多人，我又唔驚無位坐，但A君既做法十分之不公平，ANYWAY，算數！環境方面：上到2樓，見到個環境幾唔錯，有好多唔同野食，座位又好寬敞，有卡位有沙發位，帶小朋友黎食都無問題！食物方面：蔬菜好新鮮墨魚丸好食有蘿蔔薯仔南瓜冬瓜......有拉麵(拉麵仲好似剛剛整出黎咁，幾彈牙)仲有好多款，不過我都係集中食呢幾款，整體黎講，食物既質素係唔錯!!!醬汁方面：黑蒜油醬油(有辣有唔辣)、辣椒油、芝麻醬、蔥、辣椒(不過不是辣椒仔，辣椒仔會辣D，所以有些少辣唔夠癮)、柚子醋(味道好清新開胃)，大致上係呢D汁，比起牛陣，佢地D醬比較特別得黎一般人都接受到！甜品方面：有藍莓/原味乳酪雪糕、北海道牛乳雪糕、仲有另一種味道唔記得嚕!不過如果中意奶味重既可以試下食北海道牛乳雪糕，呢個真係超級正!前前後後我只係食
友人建議去食牛一，我未試過所以就去試下。
照時間我地約12點尖嘴等，到左之後未入座住，個男侍應(稱A君)就叫我地坐一陣，轉頭安排入座。
過左大概2~3分鐘，開始有數人入黎，之後見到個A君幫後入黎既人開始安排入座，完全係無理過我地同比我地更早入黎既客人首先安排入座，雖然果段時間唔係好多人，我又唔驚無位坐，但A君既做法十分之不公平，ANYWAY，算數！
環境方面：上到2樓，見到個環境幾唔錯，有好多唔同野食，座位又好寬敞，有卡位有沙發位，帶小朋友黎食都無問題！
食物方面：蔬菜好新鮮墨魚丸好食有蘿蔔薯仔南瓜冬瓜......有拉麵(拉麵仲好似剛剛整出黎咁，幾彈牙)仲有好多款，不過我都係集中食呢幾款，整體黎講，食物既質素係唔錯!!!
醬汁方面：黑蒜油醬油(有辣有唔辣)、辣椒油、芝麻醬、蔥、辣椒(不過不是辣椒仔，辣椒仔會辣D，所以有些少辣唔夠癮)、柚子醋(味道好清新開胃)，大致上係呢D汁，比起牛陣，佢地D醬比較特別得黎一般人都接受到！
甜品方面：有藍莓/原味乳酪雪糕、北海道牛乳雪糕、仲有另一種味道唔記得嚕!不過如果中意奶味重既可以試下食北海道牛乳雪糕，呢個真係超級正!前前後後我只係食左兩杯 咁大把!!嗚
講返我地揀既價錢先，我同友人都因為未食早午餐，所以勁肚餓!!!!
我地一話不說就揀左$108(90分鐘任食牛肉/豬肉&任食其他配菜&甜品&飲品(啤酒/檸檬茶/汽水)，
其實我地坐低左之後，友人率先去睇下有咩食，到友人返黎個湯底都仲未有，前後催促兩位侍應同佢地講未有湯底黎，點知係足足等左20分鐘先有湯底，等多10分鐘D牛豬先黎，好啦，等個湯底滾又無左成15分鐘，即係用左45分鐘先可以有野落肚！！！！
有食過呢D類型既火鍋放題既大大都知，佢地會有LAST ORDER；好啦，係我地開始食到尾聲既時候，有個女侍應(稱F君)同我地講小姐唔好意思，夠鐘交檯啦。我地點頭話OKOK(但因為我地等左成45分鐘先有得食)，同埋在場有好多其他侍應，佢地都無催我地交檯，淨係得F君催我地！！！！我知係夠鐘我地都有責任要交檯，但我地唔係坐係度飲野傾計嘛~個F君催左我地三次，三次既態度無好過仲更加差，第二次，F君係度執緊我地隔離果張檯，執執下又再催！到第三次，F君話唔好意思啊，真係過曬鐘啦成30分鐘啦，而我地聽得好唔舒服，友人同佢講，我地已經盡快食如果唔係你地會罰錢(浪費食物)，F君插嘴：但係都真係夠鐘啦！我火都黎埋，我話：我地頭先入座足足等左20分鐘先有湯底黎等左10分鐘先有野食，F君話：咁你可以催下我地D同事架！我就黎爆咁話：我足足催左你地同事兩次，無人理我地！F君無再講行開左，而我地再繼續完成埋。
之後我地起身走，個F君由頭望到我落腳，頂！！！！！咩態度啊！！！！！
F君外型：我諗應該係經理黎、啡色頭髮、頭髮長度過耳仔、超級無敵零笑容
友人事後同我講，佢之前黎幾次，次次都無比人催過要交檯，而D侍應態度係十分之良好
無既，係今次唔好彩遇到咁既人，之後都會再幫襯，無謂同食物過意唔去呀
埋尾啦~
除左F君搞到我地火火地之外，野食環境係好的！！！！！！！
張貼