新麻蒲 BBQ (已結業)

新麻蒲係我想試好耐既韓燒，今日8點幾去到都要等左半個鐘，睇黎真係好多人食。叫左佢500幾蚊既set 餐，2人食就岩岩好，貪佢有包野飲，又有甜品，都幾周到。好多韓燒既邊爐蛋都係會有粟米，但呢度係落泡菜。可能我見識少，我覺得泡菜反而好食，令蛋帶有小小咸味，感覺上蛋更加滑。 層架上有牛肉，大蝦，豬肉，冬姑等等，佢好細心咁鋪排左由上至下去食。大蝦肉質淋左小小，無咩鮮味。牛肉既紋分佈得唔錯，包埋生菜食都幾正。 仲有和牛壽司，待應問我地幾時熟，我地講左5成，食落去好奇怪，有d 腥腥地，下次都係講全熟會好d。 最後，仲有個甜品添！我地叫左棉花糖朱古力，就算食到好飽，見到個甜品就好開胃啦！🙋🏻🙋🏻 甜品表面係用火槍燒過既棉花棉，入面除左係雪奶外，仲有陣陣既朱古力雪糕，溶合得岩岩好！