打邊爐海鮮火鍋燒烤店 (已結業)

鮮活烤魚是我第一次食, 跟啫啫雞煲或重慶雞煲的原理一樣,  食後可加清湯再作打邊爐.剛進入店內魚缸只見一兩隻蟹, 心裡沉了, 魚供應不足?  點知那時候店員搬運了一箱箱活魚放入魚缸, 游來游去是沙班龍躉, 条条size差不多, 有2斤重左右.  立即order了一条.魚是放在一個比較厚的鐵鍋端上, 聽老板講解是經過多番嚐試, 因鐵鍋受熱慢, 慢慢煮, 魚肉就不會過火變老. 配料豐富, 有腐竹, 芽菜, 冬菇, 芹菜, 蒜子, 香茜, 紅辣椒....全部配料都吸盡魚汁的精華, 微微的香辣夠入味.  魚的肉質彈牙鮮甜, 熟度剛剛好, 老板還教我們, 邊到滾起就食邊度, 用這方法食条魚就不會過熟.  果然效果非常好.  食完条魚己經8成飽, 但又想試下剩下魚的精華再加入清湯來打邊爐又怎樣呢?  叫了半份安格斯牛和半份牛頸脊邊.  安格斯牛的脂肪比例平均, 肉質鬆軟, 非常滋味.至於牛頸脊邊肉質比較實一點有口感, 牛味濃.最後加入皇帝菜清清腸胃, 皇帝菜本身有獨特的香味, 再浸入湯的精華, 讚!最後要提是用平民化價錢, 又可食到新鮮材料, 抵!