一芳台灣水果茶 (已結業)

一芳最近真係好紅，之前經過旺角幾次都冇試過佢，今次終於有機會黎朝聖一下。餐單上都有唔少選擇，原本想試大熱嘅水果茶，不過啱啱食完燒肉，就叫咗杯冬瓜檸檬露消滯清熱一下。可能因為係夜晚，之前有人提過話要等好耐或者漏單嘅問題，今次又無遇到，等咗大概五鐘就有得飲。等既時候又可以欣賞下佢既裝修同埋一d台式文句，睇下睇下就叫號了。佢既分量同平時飲嘅差唔多，一入口就係好香嘅檸檬味，不過冬瓜味就好啖，好似飲緊檸檬特飲咁，都算幾清新同解渴啦。