江戶前日本料理 (已結業)

香港地「日本菜」餐廳都算多，每一區數下手指都有幾間，由其係集團式經營最多當然小店都唔輸蝕啦而且形式種類都有不同，無論係單點壽司、任食壽司、任食放題、日式燒烤、日式火鍋、拉麵.....等等等等，應有盡有今次去左一間成日經過，但從來都未食過既日本菜餐廳😅😅😅眼見佢都開左好多年，就係一步都未踏入過，因為成日覺得好似好貴咁👉👈今日自己放假，所以一於同朋友試下，正值打工仔/學生哥準備放飯時間，唔算太多人，但都坐左六成座位啦😱原本想食炒飯既，但見有鍋食，所以就點左一個「泡菜豚肉鍋配拉麵」，一個鍋有拉麵又多野食，抵呀，湯底味道濃郁，豚肉夠大塊又有質感，唔會得一塊起兩塊止，而且仲有好滑既豆腐，同其他配料，算係幾好食幾抵食嫁