杏甜品 (豉油街) (已結業)

旺角開咗杏甜品新分店！今日經過見到有位即刻同兩個朋友入去食個甜品下午茶甜品！店舖地方唔大，容納到5張木圓枱。一人嗌一個甜品，我就見到牆上貼咗新品，係叫木蓮凍，望落好似仙草咁，感覺唔會膩，所以我試咗個基本啲嘅款式：< 椰汁木蓮凍西米露 $39 >木蓮凍係杏甜品需經過多重功夫自家製作，做到比仙草更滑，但味道偏淡你咁甘，同樣有解渴同降火之功效。 西米粒粒分明又爽彈，配上清甜椰汁同大大碗既木蓮凍好滿足。<(凍)椰皇貓山皇燉雙皮奶 $75>另外朋友係榴連控，必食嗯個有成球榴連沙冰，加上原個椰皇燉雙皮奶。椰肉好嫩，雙皮奶又香滑重奶味。<芝麻合桃露 $35>呢個偏淡、質地太水，失望。