德美壽司 (裕民坊YM²)

觀塘裕民坊新樓盤因為疫苗抽獎一炮而紅，雖然樓就抽唔到，不過都可以去佢樓下嘅商場YM2行吓，原來呢度仲新開咗德美壽司。德美壽司出名選料上乘，價錢親民，今日就一於見識下。

入面係開放式廚房，仲可以選擇坐喺吧枱睇住師傅製作各式各樣嘅日本料理。

1

晚市套餐有魚生丼或定食，選擇繁多。

3

晚市定食包括湯及沙律。

沙律用上芝麻醬，仲有昆布同麵包粒，有益又醒胃。

沙律

麵豉湯鮮味不會太鹹，亦有昆布同蘿蔔片。

麵豉湯

入嚟德美就已經係諗住食刺身丼，就揀咗德美海膽魚生丼，除咗有海膽，仲有三文魚、帆立貝、劍魚腩、熟蝦、蟹棒、三文魚籽同蟹籽，非常豐富，而且所有刺身都好新鮮，呢個價錢確係抵食。

德美海膽魚生丼

$161

玉子仲印上「德美」呢個生招牌，為呢個刺身丼作點綴。

野菜牛肉鍋定食一向係我嘅至愛，所以我都揀咗呢個熱食。

野菜牛肉鍋定食

$111

牛肉上枱時呈半熟狀態，另外仲有溫泉蛋、冬菇、麵條，同大量野菜喺入面，蔬菜索晒湯汁非常好味。

野菜牛肉鍋定食

$111

野菜牛肉鍋定食嘅牛肉份量豐富，兩個人都好夠食。

我仲特別加$15轉烏冬，烏冬之上仲加入咗昆布同粟米粒，感覺簡直係另外一份主食。

烏冬

$15

其實定食係包括甜品，但因為已經好飽，完全忘記咗請店員上甜品，希望下次有機會再試。