影片
更多
2019-06-03
148 瀏覽
朋友推介我過嚟呢間德國餐廳食飯，講真其實我真係未食過德國菜，今次真係第一次試。店內嘅環境都幾優雅，裝修幾有特色同埋企理。講起德國菜大家第一時間諗到嘅一定係德國鹹豬手，而呢度其實有好多款嘅德國菜去選擇。首先我地點左一個德國肉丸意大利飯，味道唔錯，而且都好飽肚，兩個人叫一個食就啱啱好。之後帶咗一個德國肉腸拼盤，份量真係好多，因為其實呢啲香腸係非常之爆肚，入邊好多都有芝士，係真係非常之邪惡。我平時真係好少食呢啲德國肉腸，呢一種德國肉腸同平時嘅香腸爭好遠，首先佢個皮係脆既，而且個肉質比較有層次。最入邊仲有啲芝心。最好當然仲有呢個德國最出名嘅德國鹹豬手啦，同我想像中嘅德國鹹豬手差唔多，不過我自己就嫌呢一種德國鹹豬手就比較乾身，食落會好口乾，所以其實真係推介要配啤酒去食。而呢一間餐廳其實有好多款德國啤酒可以試飲，不過因為我第日要返工所以就冇乜點飲到啦。整體而言，大家可以當係試吓德國菜去嘗試呢一間餐廳，因為我自己個人感覺呢一間餐廳都好有德國嘅特色，而且應該都尚算正宗。
店內嘅環境都幾優雅，裝修幾有特色同埋企理。講起德國菜大家第一時間諗到嘅一定係德國鹹豬手，而呢度其實有好多款嘅德國菜去選擇。
首先我地點左一個德國肉丸意大利飯，味道唔錯，而且都好飽肚，兩個人叫一個食就啱啱好。
之後帶咗一個德國肉腸拼盤，份量真係好多，因為其實呢啲香腸係非常之爆肚，入邊好多都有芝士，係真係非常之邪惡。我平時真係好少食呢啲德國肉腸，呢一種德國肉腸同平時嘅香腸爭好遠，首先佢個皮係脆既，而且個肉質比較有層次。最入邊仲有啲芝心。
最好當然仲有呢個德國最出名嘅德國鹹豬手啦，同我想像中嘅德國鹹豬手差唔多，不過我自己就嫌呢一種德國鹹豬手就比較乾身，食落會好口乾，所以其實真係推介要配啤酒去食。而呢一間餐廳其實有好多款德國啤酒可以試飲，不過因為我第日要返工所以就冇乜點飲到啦。
整體而言，大家可以當係試吓德國菜去嘗試呢一間餐廳，因為我自己個人感覺呢一間餐廳都好有德國嘅特色，而且應該都尚算正宗。
張貼
