新森林焗之專門店 (英皇道) (已結業)

今日放工好攰，而且又有少少毛毛雨，都唔想周圍去，就係屋企附近搵間無食過既餐廳食個快飯。係門口見到啲餐牌既野食好似幾吸引，就行左入去坐低喇。哇行入去得一枱客，個心都抖振左一下，心諗：唔係伏下嘛。咁我就嗌左個皇牌芝士蕃茄焗豬扒飯。來到個份量對女仔來講岩岩好，但男仔可能唔夠食，佢係用一個六寸既pizza盤裝住個飯，好淺，所以份量唔多。但味道唔錯，係好食既。芝士無乜味，個蕃茄醬係偏甜既，岩我口味，如果你鍾意偏酸既可能就唔岩食喇。而我個餐係跟一杯熱飲，我揀左個杏仁霜。來到：哇粉來既！仲要未撈勻。化學野，味道好又點姐。下次寧願嗌檸水算。而成個樓面加收銀得兩個人，完全唔夠人用。