Press Enter (已結業)

最近聽過唔少朋友講，大角嘴有好多好野食，今次就決定去試下！今次去嗰間叫Press Enter，喺一間cafe，呢間餐廳好特別㗎，所有白飯都喺用日本嘅米做。周圍都佈置得好有聖誕氣氛呀！今次我同朋友叫咗一個套餐同幾款小食，首先嚟嘅喺羅宋湯，嗰湯唔會辣同好酸，有蝦肉，幾開胃。跟著係前菜沙律，香桃煙鴨胸沙律配意大利陳年黑醋汁，香桃甜甜的，配鴨胸，好fresh。下一個係小食，芝士年糕，一咬落去，濃濃嘅芝士流出來，好好食吖！我個朋友呢排要實行減肥大計，所以佢prefer食多d菜，於是我哋就叫多個巴馬火腿沙律，火腿鹹鹹的，加埋d哈蜜瓜，食落唔會太膩。下一個係主菜黑松露野菌燴飯，黑松露好香，又多野菌，飯質軟硬適中，又唔會太稔，幾好食！最後一樣就係甜品啦！呢個「伊甸園」係由窩夫同唔同嘅水果所組成，窩夫脆卜卜，再加埋紐西蘭雪糕，真係好似去咗伊甸園咁呀！最後祝大家聖誕同新年快樂！新一年開開心心，身體健康！