榊 (已結業)

早排朋友大推E間主打割烹料理嘅日式餐廳, 今日車車就約埋朋友仔去試下! 餐廳位於尖沙咀旺中帶靜嘅位置, 餐廳以石同綠色植物為主調, , 帶點大自然嘅感覺, 非常舒適, 長長嘅L型枱可以望住師傅席前烹調美食, 賞心悅目⭐蟹肉三文魚籽蒸蛋雞蛋蒸得剛剛好, 相當嫩滑, 帶有濃郁嘅蟹鮮味⭐時令沙律沙律菜口感爽脆, 上面鋪上白魚仔, 令口感感更豐富⭐刺身鰈魚油份較少魚味濃郁太刀魚香煎過後將魚油迫出, 入口甘香美味拖羅厚厚嘅一片, 口感肥美⭐昆布蒸甘錭昆布味滲入甘錭入面, 味道清甜, 肉質結實有咬口⭐炸雜菜餅炸物一d油膩感覺都無, 做得幾出色, 第一次試炸嘅熒光魷魚, 咬落去脆卜卜同時食到魷魚嘅鮮味⭐拖羅卷入口鮮味帶魚油香, 非常滿足⭐汁煮鮑魚食落口感軟腍帶點彈牙, 而且相當入味⭐炸生蛋免冶漢堡扒飯一刀切落去蛋汁緩緩流出, 漢堡扒肉質柔嫩鮮甜, 與白飯同食, 令口感同層次更豐富⭐紫菜昆布麵豉湯⭐檸檬蛋卷蛋卷質感鬆軟, 檸檬味突出, 卷内更有果肉, 增添口感