影片
更多
2009-09-05
27 瀏覽
放假起身食晝，想起樓下開左間新既Pizza鋪，就踢拖落樓下食。入到去剛過左學生食飯時間，座位充裕，搵好位先買飛。除左上菜同執枱之外，基本上間鋪係自助形式，餐具、調味料都係自己拎。不過店員都執得間鋪好企理，就算剛過學生Lunch Time之後，間鋪都無話清唔切枱或者污污糟糟咁。點了一個二人餐，店員問坐果張枱個冧把，再望一望個收銀櫃台有張Floor Plan晌度，其實真係唔會Expect點菜時會先記得個枱冧把，呢個可以Assign個號碼牌比客放枱仲好。二人餐把括一個六吋Pizza、三件炸雞、同一個意粉或飯另送兩個餐湯。Pizza要了香草烤雞，意粉要了海鮮闊條麵。先來三件即炸既炸雞，外皮似KFC辣雞，但係唔辣既，而食落口肉質嫩滑，唔似KFC既鞋到你怕。食完碟底又唔係留左好多油晌度。Pizza出爐，香草烤雞有雞肉、雞蛋、蘑菇和Double芝士。新鮮出爐Pizza餅底焗得剛剛好，皮脆內軟，上面的芝士又合口味，係雞蛋稍為落少左，不過總括而言都唔錯。海鮮闊條麵最後上枱，由於在差唔多飽先上枱（證明抵食），但都講少少：首先散裝海鮮整既闊條麵（呢個價位個個都用呢D料架啦），海鮮係食唔出有腥味，証明唔係就咁
入到去剛過左學生食飯時間，座位充裕，搵好位先買飛。除左上菜同執枱之外，基本上間鋪係自助形式，餐具、調味料都係自己拎。不過店員都執得間鋪好企理，就算剛過學生Lunch Time之後，間鋪都無話清唔切枱或者污污糟糟咁。
點了一個二人餐，店員問坐果張枱個冧把，再望一望個收銀櫃台有張Floor Plan晌度，其實真係唔會Expect點菜時會先記得個枱冧把，呢個可以Assign個號碼牌比客放枱仲好。
二人餐把括一個六吋Pizza、三件炸雞、同一個意粉或飯另送兩個餐湯。Pizza要了香草烤雞，意粉要了海鮮闊條麵。
先來三件即炸既炸雞，外皮似KFC辣雞，但係唔辣既，而食落口肉質嫩滑，唔似KFC既鞋到你怕。食完碟底又唔係留左好多油晌度。
Pizza出爐，香草烤雞有雞肉、雞蛋、蘑菇和Double芝士。新鮮出爐Pizza餅底焗得剛剛好，皮脆內軟，上面的芝士又合口味，係雞蛋稍為落少左，不過總括而言都唔錯。
海鮮闊條麵最後上枱，由於在差唔多飽先上枱（證明抵食），但都講少少：
首先散裝海鮮整既闊條麵（呢個價位個個都用呢D料架啦），海鮮係食唔出有腥味，証明唔係就咁放落去整。
個闊條麵係唔係煮唔夠呢，唔夠軟身，不過唔係難食，只不過無Pizza同炸雞咁好味。
間鋪仲有三十蚊既一人套餐，以後星期六日食野又多個選擇。
張貼
