翔壽司 (已結業)

✨ 立食壽司而家喺香港越來越興，今日友A帶咗小妹去咗尖沙咀食好西。翔壽司曾經攞過米芝連，我相信佢地嘅壽司都唔會令到我失望嘅🤤✨ 餐牌，今次小妹嗌得特別少，事關食好西食得太多，有啲窮困😭😭😭✨ 火炙鰻魚壽司👧🏻 鰻魚壽司啖啖肉，十分之肥美。師傅將壽司送到上黎嗰陣仲熱熱地，不錯。唯一嘅就係燒得香啲會更美味。🤤🤤✨ 大呑拿魚腩壽司👧🏻 特別中意呢間餐廳嘅大拖羅🤤🤤，真係一試難忘呀。拖羅肥美得黎，入口即溶但又不失一陣鮮味。👧🏻 再特別講佢地嘅壽司真係會做到日本咁，壽司飯會已經幫你落咗鼓油同wasabi，份量仲要啱啱好，不錯👍🏻