板長壽司 (已結業)

同一個商場有執淨一間既元綠同板長，但媽媽成日都會話食元綠所以一直冇機會試板長，極力爭取下今次終於可以一嚐板長喇。入到去店員好快就安排到位置，而且態度親切，落單係用tablet既，十分方便。媽咪想食烏冬，但選擇較少，只有兩個湯烏冬、一個冷烏冬同一個冷麵。最後選擇海鮮蕃茄烏冬，另外仲叫左壽司同天婦羅。用tablet落單後好快就上菜，灸燒三文魚、三文魚都比較新鮮，唯一略嫌三文魚唔夠肥美。玉子同蟹棒都足料，玉子既味道同一般出面既唔同，比較甜。海鮮蕃茄烏冬既材料都好豐富，有帶子、八爪魚、蟹柳、蝦天婦羅，食既時候天婦羅已經淋哂，但味道搭夠，肉質都比較實。烏冬食落都比較淋，如果煮既時間短少少會較好。最後係南瓜蕃薯天婦羅，無論南瓜定蕃薯都好甜，而且炸得好好，炸皮不會太厚，仲好脆。食過一次板長之後，上層果間元綠應該會被永久打入冷宮，哈。