影片
更多
2022-06-02
266 瀏覽
有朋友話要去打邊爐，但我個人不太鍾意打邊邊，因為口味實在太單一，成煲都係一個味，而且湯底千篇一律，我會去嘅火鍋店真係唔多，數埋得幾間。所以朋友介紹左我去呢間滷水火鍋店度一試，佢食過一次，話個底湯係滷水味，幾得意幾好味，不過佢嘅負面評價係肉片到好薄，無論幾多人一檯，每次只可以叫3碟，人多真係唔夠食，所以我都係抱住試下嘅心情..................首先我叫左個B餐，有所有牛肉款可以點之外，仲有刺身+生醃海鮮，雖然貴左少少，不過要試就試好少少，唔掂就無下次。先黎左3款生醃海鮮，原來真係生食，有少少驚會肚痛唔敢食。不過我個朋友食左話幾好食，所以試左，又真係幾好食！生醃蛽幾得意，不過唔知係咪真係可以生食，我只係食左一隻，味道咸咸鮮鮮，係幾好味嘅。生醃聖子我就食左好多隻，因為真係好好食好肥美，望落又唔係好似生，感覺好似熟熟地，放心食左好多，好彩返到屋企都無肚屙，哈哈生醃蝦真係麻麻地，D蝦質地有D梅，好似係熟左同醃左段時間，蝦要新鮮食先彈牙，呢個好一般。叫左盤刺身，賣相唔討好，食落都一般，個人認為佢做返生醃出色D，呢類日式刺身係中式食店出現都有D怪。火鍋方面我就滿意好多，牛肉都幾吸引，不
所以朋友介紹左我去呢間滷水火鍋店度一試，佢食過一次，話個底湯係滷水味，幾得意幾好味，不過佢嘅負面評價係肉片到好薄，無論幾多人一檯，每次只可以叫3碟，人多真係唔夠食，所以我都係抱住試下嘅心情..................
首先我叫左個B餐，有所有牛肉款可以點之外，仲有刺身+生醃海鮮，雖然貴左少少，不過要試就試好少少，唔掂就無下次。
先黎左3款生醃海鮮，原來真係生食，有少少驚會肚痛唔敢食。
不過我個朋友食左話幾好食，所以試左，又真係幾好食！
生醃蛽幾得意，不過唔知係咪真係可以生食，我只係食左一隻，味道咸咸鮮鮮，係幾好味嘅。
生醃聖子我就食左好多隻，因為真係好好食好肥美，望落又唔係好似生，感覺好似熟熟地，放心食左好多，好彩返到屋企都無肚屙，哈哈
生醃蝦真係麻麻地，D蝦質地有D梅，好似係熟左同醃左段時間，蝦要新鮮食先彈牙，呢個好一般。
叫左盤刺身，賣相唔討好，食落都一般，個人認為佢做返生醃出色D，呢類日式刺身係中式食店出現都有D怪。
火鍋方面我就滿意好多，牛肉都幾吸引，不過照我朋友所講真係好薄D肉，同埋一碟得三兩片。
如果好似佢咁上次5個人分，每次ORDER一款只可以最多叫3碟，可能真係唔夠食，今次兩個人食就岩岩好。
好多款牛肉都已經唔記得左係咩名，我都係亂禁哂所有返黎食，無理佢叫咩名。
我淨係記得呢碟係封門牛，因為最好食，最有牛味。
佢個鍋都真係好大，其實兩個人食，傾住計咁慢慢煲都幾過癮。
不過我唔明佢點解仲咁唔現代化用電磁爐，仲用緊GAS爐，我朋友話咁先有風味..................ok。
個滷水湯底唔似我地平時食嘅滷味咁咸，佢有好多香料味，食落幾香口，真心唔錯，好味的。
我去火鍋必食嘅蝕本貨「餃子」！
我次次都一定要去火鍋店試佢地嘅餃子，雖然佢好飽肚，但佢吸哂個湯嘅味道，係最好食架！
味道都ok，不過滷水湯底太濃味，已經食唔到餃子裡面嘅材料味，哈哈。
脆肉鯇魚片，好彈牙好爽脆，高質，好好食！切忌煮太耐，唔係會變硬。
切到咁薄就係要快熟。
呢碗仔唔記得係蝦滑家係魚滑，但煮完超好食，呢個好有印象。
佢另外仲有現成小食可以自取，不過我無乜野囉過，影完相就算了，食火鍋料都飽。
呢款口水雞睇落最吸引，不過我都係無食，因為我主攻牛肉。
另一邊仲有雪櫃，有好多蔬菜類可以自取，幾多款，有驚喜。
最特別係呢款麵，賣相好靚！
最後發現佢有蒸點心，但蒸左好耐都無人囉.......我諗黎呢度唔係想食點心。
總結就係佢個火鍋係OK，鵝腸好好食，其他肉品味道都幾好，整體火鍋配料都無伏。
生醃都幾好食，聖子最出色，諗返起都想再食。
而其餘熟食一舊都無食過所以無評價比到佢，賣相就差少少，吸引唔到我食。
但留意返，落單時佢要按1 2 3 咁，我以為係一粒兩粒三粒水餃咁點，於是我點左3，點知係黎左3份！勁多！
鵝腸我又以為係3條咁叫，點知黎左一大盆，我好多都要叫佢退返走...................太多太誇張啦。
係牛肉可以狂點，因為真係幾細碟，同埋好薄，一碟只係一口份量。
張貼
