Carousel既餅出名靚靚，想試好耐架啦！可惜價錢唔平，小小打工仔真係唔係好捨得，難得有人請真係岩曬啦。我地一班同事大家齊齊share食件件都試下。
首先就係藍梅芝士餅，芝士餅係實既，上面的藍梅醬酸酸地咁，有d解膩作用。但驚喜唔大，一般高級餅店級數。
第二件係Opera，呢件好味道！朱古力味夠香濃，內裡有脆脆，唔會太單調。
第三件係芒果慕絲，一般啦，芒果味唔算太出。反而做餅底塊曲奇餅硬硬地，充滿牛油味，又幾好食喎！
另外，好似蜜瓜色既原來係綠茶慕絲。幾易入口，唔會苦澀，幾好味。
其餘分別係士多啤莉，藍梅及類似玫瑰味慕絲；都唔錯呀！
