Pizza Max Bistro

之前一直聽朋友講過佐敦有間印度+意大利菜嘅餐廳..心思思一直想試吓..今日出開佐敦做嘢一於去呢間試吓啦..鋪頭嘅佈置幾特別..感覺有啲似一間酒吧🍻
同朋友每人各自點左個set lunch..之後再加多咗個凱撒沙律！份量其實一啲都唔細啊所以都食到好飽..

Set lunch每人有一個湯..味道甜甜地幾好飲幾香應該係南瓜湯嚟嘅🤣

凱撒沙律..比較鍾意佢嘅火腿唔似平時嗰啲烘到乾咗..呢個反而覺得幾好味..

三文魚意粉..其實個底仲有好多汁㗎，連埋啲蒜頭味食落好香..唔知呢個究竟係意大利菜定還是印度菜呢？🤔😂

另外呢個係燒豬仔骨..份量好多啊！ 一啲都唔似 set lunch🤣

最後每人各自點一杯凍飲..為呢餐意大利印度菜畫上完美句號。