El Portal (已結業)

呢間餐廳地點都幾方便，佐敦站一出廟街入口，樓上餐廳，容易搵，仲可以OpenRice 訂位。第一次去地中海餐廳食，餐廳環境好清靜，靜靜地享受菜色同埋摸着酒杯同朋友傾吓計。有套餐同埋散叫，仲有酒提供，好唔錯。蒜蓉辣大蝦 - 蝦就唔算超大隻，但係就好嘢味，辣味方面可以接受，食完都會唔夠喉想再食☺️西班牙海鮮飯 - 飯有咬口，滿滿海鮮嘅味道，而且海鮮既份量好多，包括青口，大蝦，魷魚，蜆，同埋魷魚圈，佈滿飯面，兩個人食完就覺得好飽，好豐富。西班牙油條配花生，果仁糖，朱古力 - 西班牙油條就食得多，但係配上有朱古力花生同埋果仁溝埋嘅醬配搭，好有層次感，熱辣辣嘅油條溶化左個醬，淡淡豐富口感又此湧出來。總括而言，依家餐廳嘅CP值都幾高，環境同埋服務質素都算中高水平，經過都可以嘗試吓