土耳其小城 (德範大廈) (已結業)

之前一直都好想試土耳其菜，不過香港又唔容易搵到正宗既黎食，今次係朋友介紹下就黎佐呢間土耳其小城試下👏🏻我地先試佐芒果乳酸 $42🥭乳酸有少少杰身，好重芒果味，好香好好飲😗之後就試佐土耳其出晒名既卷餅，烤野雞肉卷餅 $65🌯卷餅每一啖咬落去都爆料爆汁，雞肉有醃過，好香，餅皮硬脆，加埋特式醬汁黎食真係好惹味，好滿足🤤然後就係中東菜重點：咖喱烤餅。我地叫佐克勒拉雞皇 $98🥘同埋土耳其薄餅 $28🫓雞皇係奶油咖喱雞肉，就算單食都唔覺得膩，而用香料醃既雞肉醃埋濃香奶油味咖喱，好食！土耳其烤餅又係本身分開單食已經好香，因為有蔥同芝麻，點埋咖喱食更加香口蔥味！😋