前菜揀左個幾特別嘅Spinach Fritters, 其實係菠菜同青豆整成嘅煎餅，食落去係似蔬菜薯餅，但就比平時嘅薯餅重香料味，配埋個自製杏甫醬，好傳統嘅感覺。
其實佢地主打係燒烤，所以另一個前菜要左燒大蝦，而主菜都叫左個燒牛肉串。
不得不說，佢地嘅串燒真係好好食，個联炭火味好香！而且個牛肉串真係好嫩，燒到7成左右都仲係好多汁，配埋佢地香料同埋自製香草醬，真心推介！
另一個主菜就叫左個sea bass, 魚皮煎到有少少脆，魚肉都嫩滑，唔錯呀都。
呢到其實都再唔少cocktails飲，但我地仲要返工，所以淨係試左兩杯mocktails,一杯係熱情果，一杯係西柚，酸酸地幾開胃。
lunch set仲可以揀甜品或者咖啡。我地就叫左甜品再散叫杯咖啡。甜品係類似一件磅蛋糕，再係面頭加d 吉士醬，簡單得黎味道都唔錯。
整體都幾滿意，而且店主好nice 會主動黎同你傾計，同埋見佢都有主動幫客人影相，幾多heart。
