Amusement Eatery (已結業)

日日熱到焫焫焫焫焫焫着，weekend都係想留喺冷氣地方，今日我哋就揀咗位於長沙灣嘅打卡餐廳Amusement Eatery Hea一個下午。Brunch總共有四個course，係好特色嘅南美菜，所以餐湯都係比較特別嘅豆蓉湯，充滿豆香嘅濃湯蘊含豐富蛋白質，既好味又健康，平時唔鍾意食豆嘅朋友就啱晒。豆湯旁邊嘅麵包條係新鮮烘焗而成，小小嘅份量已經滿足。聽朋友講南美菜有一道菜好出名嘅叫做Ceviche，呢度當然都有得供應。傳統秘魯檸檬漬平目係以檸檬汁醃製鮮魚，再加上其他新鮮蔬菜香料，例如洋蔥絲、辣椒等，係一道相當開胃嘅菜式。另一款小食我哋就揀咗蟹肉忌廉芝士炸雲吞，賣相真係有啲似酒樓常見嘅錦鹵雲吞，而入面取而代之嘅就係滿滿嘅蟹肉忌廉芝士，亦都相當美味。呢度都有一啲fusion菜，北京填鴨手工pizza餅底不厚不薄，係我最鍾意嘅口感，上面就有烤鴨、青瓜、京葱絲，醬汁都係用上北京烤鴨醬，神還原片皮鴨嘅味道。夏日炎炎鍾意叫多啲海鮮， 時令鮮魚手工闊條麵用新鮮嘅魚煎得香脆而成，手工闊條麵唔算彈牙，但配以蕃茄汁同樣令人覺得開胃。甜品嘅雪糕新地係扭紋雪葩，白色嘅味道帶有乳酪酸味，而深色嘅就係甜甜嘅雪葩，