初芋 (已結業)

今日見工作唔太忙，所以早少少收工，即刻同兩個同事仔去試下旺角嘅初芋，係網上見評價都唔錯，所以都抱有幾大嘅期望，希望可以係旺角揾到一間好食嘅芋圓甜品店。我地叫左《台式芋圓x港式糖水》系列，賣相同食物份量都屬於正常範圍，不過食完之後覺得味道未算好出色。幸好餐廳裝修新淨光猛，坐得都算舒服，所以短期內都可能會再幫襯。個人覺得如果初芋想係旺角甜品店度突圍而出，要再落力啲去提升食物質素，因為呢個先係令客人再幫襯嘅原因。