早前已預約了初三晚同老公唱K， 17:30到九龍城 Neway， 這時段未見太多人, 7點後見到一家大細或一大班朋友登記入場。
今晚收費 每位$249 加一，包2杯不含酒精飲品，每位另加$50可以享用火鍋放題，兩位埋單$658。今晚17:00 可以唱到明早05:45，真係可以盡情唱。
我們選擇了野菜粉絲花甲鍋，想食清啲，唔想太濃味。湯底是ok 的，食材方面都是普普通通，只加50元，當然不可以要求有貴價放題的海鮮質素。選擇方面比我原先估計為多，蝦滑不錯的。未食火鍋前，還有4款刺身限量供應，食了忘記拍照。還有皮蛋、青瓜、炸小籠包及無骨鳳爪小食供應。
這桌食物，我們兩個都不能全吃光，太飽了，沒有添加任何食物。
職員表示今天是收費貴了一點，平時假日無咁貴的。今天是唱得開心，食得開心的。
3
1
4
