王林記潮州魚蛋粉麵

營業中

休息中

筲箕灣東大街除左小食出名之外，王林記和安利嘅魚蛋粉都好出名，我試過之後覺得王林記略勝一籌。魚蛋真材實料，魚味新鮮，咬落爽彈但又帶少少鬆軟，唔會覺得溝左粉。湯底魚味濃郁，河粉比較薄幼同腍身，索湯得來又唔會發脹。其實除左魚蛋粉外，我覺得佢哋嘅切腩撈粗更加正，切腩半肥瘦帶少少筋，腍滑中帶嚼勁。肉質多汁有肉味，好好食！粗麵口感爽彈，有輕微鹼水味，但撈埋醬汁來食又唔多覺，醬汁入面食到腩汁嘅香味，鹹淡適中，真係比魚蛋粉更加好食。