M3 Italian (已結業)

今日同佢個朋友去咗沙田行街，行完街之後諗住食嘢，點知沙田真係太多人，而且都搵唔到有啲乜嘢好食，所以我哋就搭咗火車車去咗大圍食🤣🤣大圍而家好多餐廳都好出名，其中就係呢一間m3 Italian 👍🏻入到去嘅時候都真係估唔到喺大圍嘅餐廳裏面都可以搵到一間咁有氣氛咁有外國風情嘅西餐廳！而且食物質素都非常有保證😎叫咗一份黑松露野菌燴意大利飯配法國煎鵝肝🤤呢個鵝肝超級大件，而且仲要好厚身！對於鍾意食鵝肝嘅我來講真係覺得好吸引！而且仲要加埋我好鍾意食黑松露野菌意大利飯！呢個組合真係冇得輸！另外都有叫咗一個傳統西班牙燒乳豬，估唔到呢個乳豬幾特別，我自己都幾鍾意，外皮好脆！非常香口，而且入面都好香嘅乳豬味道，啲豬肉好林！入口嘅口感好好！