I Café

營業中

休息中

星期六去咗尖沙咀麼地道一間i Cafe 食午餐，大約兩點幾，仲有午餐套餐可以叫。我叫咗個意式帶子大蝦意粉， 配雜菜蕃茄湯，再加多個抹茶紅豆鮮奶。個意粉一嚟到，我就覺得好意外，因為超大碟，又有好多蝦同埋蘑菇。我亦都好鍾意個抹茶紅豆鮮奶，我不嬲都覺得抹茶同紅豆係一個好正嘅配搭。我朋友就叫咗一個All day breakfast，再加一個八菌忌廉湯，配薄荷朱古力熱飲。佢嘅All day breakfast都係分量十足，有黑松露炒蛋，司華力腸，薯餅，茄汁焗豆，沙律菜等等。我試咗佢個黑松露炒蛋，都幾香黑松露嘅味。兩個人食都係百幾蚊，但係分量就好豐富，好抵食。