八戶屋

平時行過見佢好多人等位，所以一路都無試過，今日路過可能時間尚早，見唔使等位就試下，叫左個午餐B 餃子拉麵加凍檸茶走甜，55分叫，到15分麵到左但一路唔見野飲，20分鐘都沖唔到杯野飲唔知想點，但對面搭台遲過我叫都已經飲緊，追左兩次，我個位望到水吧，見到佢有出凍檸茶但唔係我既，嬲嬲地唔要了，叫佢扣番3蚊埋單走。
餃子有四粒但麵份量極少，女仔都覺得有啲唔夠，男仔應該會好似無食過咁，而且炸餃子無分碟上，來到已經淋晒。味道一般正常無特別突出之處，試完呢次已經唔需要再俾機會。
我諗成日見到佢咁多人係因為午餐有學生價，見到等位好多都係學生。