唯珍上海麵家 (已結業)

o係佐敦兜尼兜去,唔係食過就係唔想食,終於搵到好正o既上海麵店.小店形式,叫個酸辣雲吞麵同煎餃.酸辣雲吞麵無端端變左喱碗野,不過無所謂啦,都係極之正,雲吞"食函"為白菜豬肉,皮厚但超滑,"食函"裡居然仲有肉汁.麵叫左粗麵,感覺到食烏冬差唔多.最正係D雪菜,一般食到o既劣質雪菜係好鹹,而佢喱間D雪菜係極小鹹味,純粹係雪菜味,食多多都唔"漏",出色.煎餃又係一絕,佢o係近門口有個煎野o既部分,D煎餃除左係即叫即煎外,仲見佢D餃子係即叫即包(可能我撞o岩佢包餃子啦),所以食落感覺係D肉好新鮮,韭菜仲有陣菜腥味,煎起尼真係皮脆肉,亦有肉汁,煎餃必吃之選.