二鍋頭 (嘉芙中心)

營業中

休息中

天氣涼涼地, 好食羊腩煲同打邊爐, 尖沙咀二鍋頭嘅火鍋放題又有雞煲羊腩煲, 當然食指大動啦。店舖相當闊落, 環境都相當清潔。火鍋是嚴選安格斯牛, 加錢任食羊腩煲, 一次過滿足兩個願望。先食羊腩煲, 羊腩真係炆得好腍滑, 肥瘦啱啱好, 而且炆得相當入味, 羊味濃郁又唔覺有膻味, 肉質嫩滑不黐牙, 點埋腐乳更好味, 一口氣食咗幾舊, 冬筍馬蹄夠曬爽脆, 冬筍炆得很出色, 新鮮得嚟有冇苦澀味, 枝竹吸收曬羊腩汁精華, 香滑美味。由於羊腩煲吃得多, 麻辣雞煲就要洗煲啲。麻辣雞煲都唔錯, 辣辣地幾惹味, 雞件夠嫩滑。食完雞煲就食火鍋, 火鍋放題湯底是胡椒豬肚湯。安格斯牛板腱和封門柳都很有牛味, 肉質幼滑。鵝腸和牛柏葉很爽脆, 鱔片,魚蛋,牛丸和雲吞等味道也不錯。炸魚皮淥幾吓又香脆又有湯味, 灼吓新鮮蔬菜又可調節肉食飽滯感, 凍飲加埋食雪糕就更滿足。