屋子 (已結業)

喺附近做完野，諗起中學成日喺大圍食既屋子，突然好掛住佢地既甜品，襯將軍澳有分店，就去懷念下～原來同大圍裝修好唔一樣，5年前喺大圍食佢地既menu係練習簿咁既，呢間就現代好多✨✨嗌左南蠻雞定食、咖喱烏龍麵（烏冬）配唐揚雞、抹茶小丘同埋草莓戚風蛋糕🍰兩個主食既炸雞都好出色，皮薄、肉嫩又入味，一啲雪味都冇，好酥脆👍🏻😋咖喱烏冬都唔錯，有少少咖喱還咖喱，烏冬還烏冬咁，如果一齊煮可能會更入味✨至於甜品，原來同大圍既完全唔一樣架～（5年前）價錢合理，份量足夠。抹茶小丘完全唔甜，唔會好漏；草莓焙茶戚風蛋糕好鬆軟，上面既cream亦唔甜，非常夾👍🏻