青鳥日本料理 (已結業)

青鳥係鴨脷洲大街屹立左好多年,能夠係香港仔區撐得住咁耐, 一定唔會差,星期日晚同女朋友特登去試一下。七點正去到,入座率已經有七/八成,大部份都係一家大細既熟客。餐廳格局唔錯,簡單,光猛。睇睇餐牌,有$198二人餐,不過唔夠吸引,所以同女朋友決定散叫。係openrice睇到話羊架好正,所以唔洗諗就叫,另外我想食天婦羅,就點左雜錦天婦羅,最後叫多少少sushi。燒羊架($68)~~有五隻架,伴碟有生菜沙侓。勁好味,連平時唔鐘意羊肉既既小弟都食左兩隻。好味只因羊架一點都不so,咬開之後唔會好乾。點d 檸檬汁或者芥末醬,酸酸地就更好味。雜錦天婦羅($58)~~有蝦,蝦柳,帶子,青口,蕃薯,翠玉瓜,茄子,南瓜,有個麵豉湯俾人點。普通啦,太多炸漿。翠玉瓜好味,咬落去有水份。蝦就細細條,青口同帶子都好細粒。三文魚sushi($20/2pcs),幾好,瘦左少少同細件左d特大帶子sushi($14/1pc),味道唔錯,不過唔似特大,貴左d,無鮮甜味最尾還有朱古力雪糕附送,有朱古力粒粒。如果唔要雪糕,有雪米糍。