TEA HUB (已結業)

好耐已經知道長沙灣開左間以茶做主題的小店，大行文青風。簡單的裝潢好日系，好啱幾個女仔傾下計，打卡都一流。店入面的氣氛好舒服！而且用各種不同的茶製的主菜，小食，飲品，應有盡有！以輕食為主，女仔會好鍾意！食完飯見飽飽地，打算就咁食件蛋糕。每日新鮮做的戚風蛋糕都係數量限定，賣完就無。今日晚上遲左去，本來有的泰式奶茶及伯爵茶味一早已經售光了！淨翻柚子味，唔緊要，照試可也！不止是蛋糕，連擺碟都十分有心機。細看就如藝術品一樣。蛋糕鬆軟，而且不過甜。吃落有好清新的柚子香！中間夾左煙韌的麻糬，有驚喜。麻糬軟硬恰到好處，食落去同軟綿的蛋糕好夾。唔好睇落去細細件，可以兩個人一齊share! 加埋杯氮氮無糖果茶，食完真係好滿足。