影片
更多
2011-10-19
17 瀏覽
今日有個客要係中環見, 所以索性約埋個客一齊食lunch, 係佢介紹下, 黎左呢間餐廳食意粉~ 我個客話呢間餐廳意粉挺不錯的, 好, 等我又試下先~係電梯裡面, 已經見到一d專訪文章係度, 原來除左2樓有cafe之外, 仲有其他的, 係中環做野, 都真係唔太仇無選擇丫, 一出電梯, 哇, 好多相, 我諗呢間餐廳應該都好多活動搞, 入到黎, 見餐廳有一些哈囉喂既擺設, 亦有一張poster有關哈囉喂活動的, 但活動時間只去到2點, 想玩夜d都唔得囉?環境尚算不錯呢, 深色環境配紫色梳化, 有個著燈既杯柜, 感覺好似想隔開廚房同出面咁~ 睇落都幾順眼我地一行5人, 獲安排坐一個角落位, 近窗口, 都算光猛, 睇一睇set menu, 有5款, 每款都包左 餐湯 (menu寫係手打健康湯, 唔知係咪既呢?) 同法包, 連 咖啡或茶, 由68至88蚊不等, 我地叫左 2個卡邦尼意粉, 1個bbq燒鴨pizza, 1個黑松露牛肝菌意大利飯 同埋一個蕃茄龍蝦汁大蝦扁意粉, 同埋 4杯熱咖啡, 1杯凍檸茶, 不過個意大利飯同扁意粉話賣哂, 個侍應話幫我地問下可唔可以轉到其他粉比我地, 最後將扁意粉轉
係電梯裡面, 已經見到一d專訪文章係度, 原來除左2樓有cafe之外, 仲有其他的, 係中環做野, 都真係唔太仇無選擇丫, 一出電梯, 哇, 好多相, 我諗呢間餐廳應該都好多活動搞, 入到黎, 見餐廳有一些哈囉喂既擺設, 亦有一張poster有關哈囉喂活動的, 但活動時間只去到2點, 想玩夜d都唔得囉?
環境尚算不錯呢, 深色環境配紫色梳化, 有個著燈既杯柜, 感覺好似想隔開廚房同出面咁~ 睇落都幾順眼
我地一行5人, 獲安排坐一個角落位, 近窗口, 都算光猛, 睇一睇set menu, 有5款, 每款都包左 餐湯 (menu寫係手打健康湯, 唔知係咪既呢?) 同法包, 連 咖啡或茶, 由68至88蚊不等, 我地叫左 2個卡邦尼意粉, 1個bbq燒鴨pizza, 1個黑松露牛肝菌意大利飯 同埋一個蕃茄龍蝦汁大蝦扁意粉, 同埋 4杯熱咖啡, 1杯凍檸茶, 不過個意大利飯同扁意粉話賣哂, 個侍應話幫我地問下可唔可以轉到其他粉比我地, 最後將扁意粉轉左做意粉, 而個意大利飯就唔駛轉, 個侍應話最後一份比埋我地啦
雖然食客都好多下, 不過個侍應哥哥仔都好有禮貌咁介紹佢地既理念比我地聽, 佢講d咩, 我都唔太記得啦,XD 不過佢最想帶出既係健康啦~ 咁我都估係既, 電梯入面都貼哂健康食店既介紹呀
先黎頭盤, 一碗雜菌忌廉湯, 的確好香菌味, 飲落去都好有咬感, 口感不錯, 飲得出唔係出面果d面粉或者湯粉既湯, 結果我一飲而盡, 但我個客話上個禮拜係龍蝦湯添呀, 話我無口福..., 真係想塞住佢把口, 我唔知道既話, 我會更開心囉...
最慘我忘記左仲有個法包, 無得點湯食啦, 就試下佢地果碟汁啦, 有欖油, 蜜糖黑醋同埋香草汁三種, 我最中意的是中間既黑醋, 酸酸甜甜, 好正好開胃, 法包本身好un, 還好外面頗脆, 不過可能我不懂得欣賞吧, 我還是比較中意餐包或者蒜茸包吧
主菜, 我食既係 卡邦尼意粉, 賣相都幾好, 食落真係唔錯, 以前食過既卡邦尼, 通常會比較滯同溜, 呢度既卡邦尼, 好香, 兼且無果種好溜既感覺, 意粉本身既質感有口感, al dente, 真係唔錯 我個客既同事就話個pizza, 都好好食, 話未食過將中式既片皮鴨變做pizza都好味, 我個客食黑松露飯, 我都無試到, 不過聞到好香, 可惜係素菜, 否則, 我應該都會叫呢道菜唔叫卡邦尼 問下個侍應哥哥意粉點樣整得咁有咬感, 原來訣竅在於, 無過到冷河
食完主菜後, 侍應哥哥仲介紹我地食佢地既創作甜品, 仲話係免費添, 係面書簽到就有, 呢d免費野, 當然無問題, 最後黎左青擰蘆薈果醋啫喱, 我聽到都要問多次叫咩名..XD, 哈, 個名真係好鬼長, 食左都真係唔錯, 食完一d creamy既意粉類, 有一d咁青既甜品入口呢, 真係精神一陣
最後係杯熱咖啡, 飲落幾香濃, 唔錯!
總結: 整體算係幾好, 唯獨menu選擇唔多, 同埋竟然唔夠扁意粉出午餐就令我失望少少, 不過勝在無味精同即叫即煮既概念都好好, 兼且令我有一種感覺, 香港要食飯好味既餐廳可能好多, 但要食一間意粉係好食既, 就真係唔算多了, 呢間Le Coin 做到了, 咁既價錢, 咁既出品, 對我黎講, 真係算抵, 會有下次的
張貼