燒烤堂 (已結業)

都話咗我好鍾意食燒烤㗎啦！朋友一問食乜嘢好，我諗都唔使諗就話呢不如去食串燒啦！嗌串燒之前見到有東風螺就即刻叫咗一份啦！個東風螺做得好出色喎，我自己好鍾意食辣嘅佢嘅辣到都好夠！怕辣嘅朋友就小心啲嗌啦！牛肉串，雞心，羊肉！呢間個汁調校得幾好喎！呢個係黑豚肉鵪春蛋！平時嘅燒烤店係比較少有嘅，我相信係呢間鋪頭獨家研製嘅！味道都幾特別配搭埋日式紫菜，個感覺好似食緊章魚丸小丸子咁！墨魚咀要大大力讚落去！好彈牙之餘唔會咬唔到！好少食到墨魚咀個質地係咁出色！另外嗰串係萵筍味道都唔錯！雞皮墨魚滑，好特別係用雞皮包住墨魚滑拎去燒！完全做到外脆內爽嘅感覺！食串燒又點可以唔要魷魚鬚呢！最後上嘅係泰式燒馬友！個泰式醬做得好好真係好似坐咗喺泰國啲餐廳度食咁！好味好味！