顏府御膳 (已結業)

想食一個舒適嘅中菜就會諗起顏府御膳，今晚又嚟幫襯。前菜選咗青瓜海蜇頭。海蜇頭沒有切碎，特別爽口。入面仲有我鍾意嘅雲耳。整體味道適中，唔會太濃但又達到開會嘅效果。另一道前菜係鮑汁鳳爪，有成8隻多啲人都夠食呀。每人點咗一碗湯，係合掌瓜馬蹄無花果煲豬腱。飲得出好足料，好夠味而唔係嚟自味精。主菜野菌燒汁和牛真係要落力推介。和牛煮到啱啱好，中間仲係紅色的。雜菌吸哂啲燒汁，食到停唔到。另一個菜係XO醬肉碎炒芥蘭。估唔到係用煲上，類似啫啫生菜煲咁。蝦乾都好好味。芥蘭仲只有莖部無芥蘭葉，誠意十足。豐富又滿足的一餐。