泰妃雞 (已結業)

泰國菜係香港人嘅心目中，擁有一個特殊嘅地位。香港嘅泰國菜開到周街都係。但係質素參差。好睇嘅未必好食，好食嘅又未必好睇。仲有啲可能好食得來係偏貴添。今次試呢間泰妃雞。門面睇落冇乜特別。更加有少少殘夠添。喺附近行完街。諗住求其搵啲嘢食。咁就入嚟呢間舖頭食啦。我哋叫咗雞肉串燒同炸蝦餅。串燒有少少燒得過龍。但都唔會話太過乾身。炒貴刁味道出色。而且配料充足。有多種層次嘅味道。最後就係泰式生菜包。肉碎唔會話太辣。而且味道出色。值得大家叫嚟試吓。