SOFFEE (T.O.P This is Our Place) (已結業)

平時行街成日見到呢間，今日諗唔到食咩，就食呢一間。$138 黃金軟殼蟹意粉 + 蘑菇忌廉湯+熱蜂蜜綠茶呢個軟殼蟹意粉超正，軟殼蟹好大隻，勁多鹹蛋黃水，試過食過其他唔夠味，但呢一碟超正。每一啖都好惹味，食到停唔到。另外跟餐叫咗蘑菇忌廉湯，都好好飲，有打碎咗嘅蘑菇。跟餐仲包埋嘢飲，蜂蜜綠茶都好好飲冬天飲暖晒。+$58 日本宇治抹茶麻糬蛋糕跟餐加蛋糕可以減$10 ，佢哋所有蛋糕都好靚，揀咗好耐，最後揀咗呢一個抹茶麻糬蛋糕。外層有抹茶朱古力脆包住，軟綿蛋糕，仲有抹茶醬。主角係入邊嘅麻糬都好煙靭，唔會太硬。希望下次可以試埋佢其他蛋糕。