果子｜海南雞飯·喇沙摻摻 (啟昌樓) (已結業)

今日同朋友去咗太和食飯，朋友話有間新加坡菜都幾好食嘅，所以就入左去食。我哋叫咗個海鮮喇沙摻摻同埋印尼炒飯。個喇沙摻摻椰汁味夠濃幾正，而且小辣好爽。海鮮都多而且新鮮，魚片豆卜好味！佢米粉撈油面好爽口，口感好特別！呢個印尼炒飯有勁大隻荷包蛋，d蛋汁留落去d醬油飯到流曬口水！佢d蝦幫我地mok左殼好方便，點左d印尼醬剌剌地幾好味！蝦片爽口，d沙爹雞串燒都幾好食，肉質鮮嫩，而且肥肉唔多。我叫左個紅棗牛蒡茶，牛蒡少少澀既味道但勝在紅棗夠甜！朋友叫左美祿恐龍，佢有啲美祿粉係上面好特別。我哋仲叫咗個絲綢春卷，佢出面係網狀嘅，脆脆地，入面有好多芋頭蓉，外脆內軟好好食！整體黎講，野食好食但價錢唔貴，勝價比高！