串過鷄 (已結業)

串過雞呢個名好可以代表到舖頭，因為佢賣串燒同用雞做主題嘅菜，包括泡飯，雞煲。我覺得食物幾好食，定價都好抵。當日星期六，我坐底左堂食，見到連續幾個客都係叫串燒拎走，所以決定跟機，叫左串燒做晚餐。我叫左好多野食，最尾都係2百幾蚊，好抵食，同埋都幾好食。等我highlight返我覺得最好食嘅幾串啦！（排名不分先後）紅燒五花腩 25蚊一串好似係有手指指公嘅，冇令我失望，味道幾好，肉嘅位置肥瘦適中，有肉食，唔會得肥高。金菇肥牛卷 26蚊 1串適味幾正，牛同金菇都唔會un。蒜香大啡菇 18蚊1串佢加左啲蒜蓉同辣粉去燒。辣度係bb辣。好惹味，但又保留到juicy嘅感覺。幾出色。鹽燒翠玉瓜 18蚊1/串爆燒原條栗米 18蚊1串鐘意食菜嘅我表示覺得呢兩個串燒好惹味，又保留到juicy感。好味！紅燒雞中翼 28蚊3隻呢個好似bbq燒嘅雞翼甘，面頭有蜜糖, 燒得焦脆, 火侯剛好，我like! 總括：性價比高，調味適中，唔會超級濃味。下次再去嫁話，我想試下佢嘅雞煲！