Amusement Eatery (已結業)

長沙灣又有新開業嘅西餐廳🍴主打手工pizza、手工意粉或者闊條麵。餐廳樓底高，感覺比較開揚，室內裝置係簡約工業風。北海道帶子&三文魚子配墨魚麵$148手工意粉面質比較硬身，咬落有口感，墨魚醬汁濃郁，帶子都幾大隻，煎得啱啱好～撈埋三文魚子，每啖都爆汁好過癮～巴馬火腿火箭菜自製披薩$148手工pizza好足料，厚厚一層番茄醬食得出一粒粒嘅蕃茄粒好有口感，上面滿滿嘅芝士好邪惡啊！火腿口感紮實，大大塊入口煙靭，油分及鹹味都適中。餅皮連啲變位都好好食，唔會太乾身，又唔會一團粉咁，值得推薦呀👍🏼凍朱古力🍫$38朱古力味濃郁又唔會太甜，上面有厚厚一層嘅cream。