仟米 (已結業)

做完嘢行經開平道，發現有間小店賣小食同飯盒，小食好高質素，性價比高，行經銅鑼灣時值得幫襯一下👍🏻。🥢魚肉燒賣$15/10粒其中我最鍾意就係魚肉燒賣，大大粒，好彈牙，性價比高，同等樣價錢喺其他店舖未必買到10粒。☺️🥢魚蛋$15/10粒食魚蛋個汁一定唔可以差，呢度秘製嘅咖哩汁又香又濃，唔會太辣，同樣係我喜愛之選❤️。🥢腸粉$13/4條即叫即剪，襯熱食最滑嫩，最能夠掛醬，保持水準。🥢吉列豬扒滑蛋飯$48吉列豬扒炸得金黃色之餘，唔會油淰淰，夠乾身，保持到豬扒嘅軟熟嘅口感。滑蛋係另一個焦點，比起連鎖快餐店早餐炒蛋更滑嫩可口👍🏻。同場有另一個客人見到呢個飯咁吸引，立即幫襯買返個。