MIX (已結業)

嚟到太子見到呢間輕工業風嘅MIX好吸引，亦比佢啱啱出爐嘅燒雞香味所吸引。招牌燒德國大豬手：大大隻的豬手，店家細心咁喺上檯前就經已將其切細份，方便我哋食用，而佢哋嘅豬手做到比其他餐廳嘅更皮脆肉嫩，而佢哋嘅醬汁就用上蜜糖芥末醬，令到豬手食落時所帶嘅油膩感銳減之外，仲會喺本身豬手所帶嘅咸味上增添上一份蜜糖嘅甜味。黑啤烤春雞：烤雞都算大隻，上檯時都經已聞到有陣陣麥香嘅味道散發出嚟，帶上手套將其撕開，香味就更加濃烈，而外皮上除左有啤酒味外，再加埋有少量嘅焦香味，足以令人流哂口水，而雞肉非常嫩滑，肉汁滿滿，調味得宜。日式安格斯牛漢堡：經過烘烤過的麵包，加上清爽口感的生菜同埋紅椒，再配上份量十足肉味香濃的和牛漢堡扒，當然唔少得有獨家秘製日式嘅芝麻醬汁，其味道令整個漢堡的味道層次昇華不少。