黑樺牛 (已結業)

黑樺牛尖沙咀堪富利士道6-6A號爵寓1樓今日難得放假，打算帶呀媽去食好西，話哂平時工作咁繁忙，所以決定同呀媽食和牛火鍋，之前係網上見到呢間餐廳好多好評，岩哂牛魔王既我地！北海道豆乳玫瑰芝士鍋Menu上寫左係期間限定，緊係要試下佢啦，一見個外型勁靚，個湯底既豆乳未勁濃郁，絕對冇偷功減料！誠意之作！前菜有鬼馬油炸鬼同埋麻辣拼盤，麻辣拼盤包括有皮蛋、牛肚同魚皮，麻麻辣辣咁，十分開胃呀！黑樺牧場精選層架一上既時候以為自己high tea 緊，有個靚靚層架，層架上放上牛肉、豬肉、墨魚滑及蝦滑。賣相十足！A5熊本黑樺和牛肩甲梅花食嘅時候油脂分布平均，而且薄切，食落去嘅時候入口即溶。A5黑樺和牛玉子後腰肉比我想像中更加濃郁嘅牛味，鍾意食牛嘅朋友千奇唔可以錯過，直頭要encore！A5黑樺和牛牛頸脊切都好靚，打卡一流，灼熟之後肉質唔會老，重係keep住多汁，唔會有種好油既感覺。整體比我既感覺非常好，員工工作態度認真亦都好有禮貌同高效率，另外餐廳亦設有飲品區包括有冷泡茶、各款汽水同沙冰，選擇極多，岩哂心大心細既我。