影片
更多
2023-06-21
52 瀏覽
《咯咯雞韓食店 (亞士厘道)》好耐無食過韓國野，今日去開尖沙咀買野見到呢間咯咯雞個名咁得意揭下餐牌都多選擇就入左去😋🐮韓式炆牛腩$108韓式牛腩係我至愛嘅韓國餸菜😋因為個汁甜甜地好好送飯，果然呢度嘅韓式牛腩一啲都無令我失望，見到佢咁多蔬菜同牛腩一齊炆到咁冧就知啲牛腩汁夠哂惹味！牛腩一啲渣都無唔難咬唔痴牙而且入味，雞肶菇、紅蘿蔔、翠肉瓜、大蔥吸哂啲汁一級棒！我一個人差唔多食哂成碗飯🤣🐣咸蛋黃炸雞（半份）$128咸蛋黃呢啲咁邪惡嘅野出現係menu度，女朋友作為咸蛋黃控，呢個口味嘅韓式炸雞真係必點👍🏻曾經試過其他地方嘅咸蛋黃炸雞遇過好多都整到啲炸皮冧哂，但今次完全無，半份都有8舊🤭最尾食果舊上左枱都起碼30分鐘都依然好脆😋咸蛋黃口味相當值得推介！見女朋友碗飯仲留住一匙羹，我仲諗住搶嚟撈牛腩汁食埋佢，點知一想郁手就比佢閘住😫佢話最尾一定要試一口咸蛋黃撈飯喎🤪🤪🤪琴日係平日晚，好彩早入座，坐低無耐就全院滿座😝食物質素都有保證，今次人少少食住兩樣先！下次叫埋朋友仔訂定位試多幾樣餸菜再同大家分享。食物質素 ⭐️⭐️⭐️⭐️⭐️/5用餐體驗 ⭐️⭐️⭐️⭐️⭐️/5性價比 ⭐️⭐️⭐️⭐️⭐️/5如果你都想試下出色同性價比高嘅韓國
好耐無食過韓國野，今日去開尖沙咀買野見到呢間咯咯雞個名咁得意揭下餐牌都多選擇就入左去😋
🐮韓式炆牛腩$108
韓式牛腩係我至愛嘅韓國餸菜😋因為個汁甜甜地好好送飯，果然呢度嘅韓式牛腩一啲都無令我失望，見到佢咁多蔬菜同牛腩一齊炆到咁冧就知啲牛腩汁夠哂惹味！牛腩一啲渣都無唔難咬唔痴牙而且入味，雞肶菇、紅蘿蔔、翠肉瓜、大蔥吸哂啲汁一級棒！我一個人差唔多食哂成碗飯🤣
🐣咸蛋黃炸雞（半份）$128
咸蛋黃呢啲咁邪惡嘅野出現係menu度，女朋友作為咸蛋黃控，呢個口味嘅韓式炸雞真係必點👍🏻曾經試過其他地方嘅咸蛋黃炸雞遇過好多都整到啲炸皮冧哂，但今次完全無，半份都有8舊🤭最尾食果舊上左枱都起碼30分鐘都依然好脆😋咸蛋黃口味相當值得推介！
見女朋友碗飯仲留住一匙羹，我仲諗住搶嚟撈牛腩汁食埋佢，點知一想郁手就比佢閘住😫佢話最尾一定要試一口咸蛋黃撈飯喎🤪🤪🤪
琴日係平日晚，好彩早入座，坐低無耐就全院滿座😝食物質素都有保證，今次人少少食住兩樣先！下次叫埋朋友仔訂定位試多幾樣餸菜再同大家分享。
食物質素 ⭐️⭐️⭐️⭐️⭐️/5
用餐體驗 ⭐️⭐️⭐️⭐️⭐️/5
性價比 ⭐️⭐️⭐️⭐️⭐️/5
如果你都想試下出色同性價比高嘅韓國菜，記得bookmark定呢間餐廳，約埋三五知己一齊嚟試下👨👨👧👦
地址: 尖沙咀亞士厘道20A號地舖
#korean #koreancousine #deepfriedchicken #asianfood #hkfoodie #hkfoodblogger #hkfood #foodblogger #hk #hkig #hkigers #hkfoodblog #hkfoodstagram
韓式炸雞（咸蛋黃口味）
$128
5 瀏覽
0 讚好
0 留言
韓式炆牛腩
$108
2 瀏覽
0 讚好
0 留言
張貼
